lunes, 17 de octubre de 2011

Los ámbitos de la Nación Asturiana (2008): l'escomienzu d'un nacionalismu asturianu.




El llibru "Los ámbitos de la Nación Asturiana" de Xaviel Vilareyo y Villamil, escritu nel 1998 y editáu por fin nel añu 2008, llueu d'unos diez años de vetos y censures, supunxo l'entamu d'un nuevu xeitu de nacionalismu asturianu, un panasturianismu que nun ye tan nuevu como munchos piensen sinón que parte d'una idea mui antigua, una reflexón teórica sobre cuálu ye'l territoriu nacional d'Asturies. Al empar convídase a reflexonar sobre la idea espacial d'Asturies en sentíu sustantivu frente al conceptu axetivu de lo asturiano, estremando l'autor asina ente Asturies y aquellos Países Asturianos del sur de la Cordalera Asturiana que nos legó la historia. Esti ensayu pretende ser un entamu pa la comprensión de cuáles son les tierres d'Asturies y poro cuálos són los territorios, el territoriu en definitiva, que define a los asturianos históricamente como pueblu, como cultura y como nación. Un repasu, en definitiva, a los ámbitos básicos y esenciales de la territorialidá asturiana, un conceptu crucial que cada vegada más persones se resisten a escaecer.

Asturies conforma güei una afitada realidá histórica, cultural, xeográfica, idiomática, espiritual y material indiscutible. Esta realidá presente vieno faciéndose a lo llargo los sieglos ya indagora sigue desenrollándose y configurándose como una entidá específica y singularizada, reconocida y reconocible. L'espaciu físicu que desllenda esta comuña humana y xunidá física que nomamos Asturies amuésanos un escenariu onde esta comunidá d'individuos, asitiada nesti espaciu yá dende los mesmos oríxenes de la especie humana, foi configurando un xeitu de ser y de vida a través d'un llongu procesu secular, mediante la creación colectiva d'un universu compartíu d'idealismos, historia, derechu, mitos, ritos, vezos, tradiciones, costumes, llingua, xeitos de pensamientu y de caracterización propia que nomamos l’ethnos asturianu. Por mediu d'esti ethnos la comunidá reconozse dende una manera individual y colectiva, compartiendo en too o en parte esti ethnos común , al que los individuos pertenecen y al que se ven vinculaos o englobaos nél de manera simbólica, cultural o afectiva.

L’ethnos propiu d'Asturies representa la so naturaleza o manera de ser en sentíu ideal, como un conxuntu mui ampliu y diversu de caracteres, referencies, nicios, señes, historia y espaciu compartíos, vínculos, rasgos o influencies de los que los individuos tienen dalgo en común y del que poseen dalgún tipu de relación o nexu de xuntura anque esti vínculu seya simplemente la pertenencia a la mesma comunidá idealizada. Nesta comunidá, los individuos puden pel so llau apuertar dalgo que llueu el colectivu enteru comparte y fai suyo, incorporando esa nueva creación individual al patrimoniu comunitariu. L’ethnos asturianu nun ye un conceptu uniformista, prefixáu, ríxidu nin estáticu, sinón que la so etnoxenia vien llevándose a cabu a través de los sieglos y desenrollándose o evolucionando, agrandándose si cabe, configurando cada vez un mundu propiu más bayurosu, modernu y actual acordies col desenrollu científicu, social y cultural de la mesma sociedá propietaria del ethnos. La tonada-pop, la paella a la sidra, los madreñoxiros de barru pa turistes, la sidría, los horros-hotel, los concursos de gadañar, l'usu de la gaita n'actos oficiales, les espiches-boda, el tendal antilluvia, o un monumentu al osu, como exemplos, son creaciones nueves que s'incorporen al ethnos comunal astur como señes d'identidá colectiva igual qu’antes lo foron l’Asturies, Patria Querida; los castielletes mineros; la fabada o los vasos d'escanciar.

Nun hai motivos pa reducir l' ethnos asturianu sólo a rasgos llingüísticos, raciales o xenéticos, sinón qu'esti más bien axunta toa una llarga variedá d'elementos identificadores, igualmente típicos y referenciales del colectivu. La llingua asturiana y l’asturiano-eonaviego formen parte d'estos elementos identificadores y referenciales del modu de ser asturianu pero non esclusivamente sinón como un elementu más del ethnos. Pronunciar o escuchar ensin rechazu espresiones como: el camín, llocu, xatu, nenín o guapín, pue ser o non un datu revelador del ethnos, pero nun ye l'únicu parámetru posible de pertenencia al mesmu, como tampoco lo ye'l fechu de ser de raza blanca o de poseer apellíos asturianos. Y ello porque l'ethnos (la nacionalidá) ye una realidá individual pero tamién colectiva allugando un ampliu númberu d'individuos diversos. L'ethnos asturianu nun significa uniformidá nes persones nin uniformidá cultural en sentíu restrinxíu. Falando del ethnos asturianu referímonos a los principios obxetivos o materiales que definen técnicamente esti conceptu (ente ellos los vínculos idiomáticos, xenéticos o xenealóxicos) pero tamién nos referimos a toa una riestra de factores de diversu calter que según el so diferente grau d'intensidá o desenrollu apaecen tamién como elementos configuradores d'esti conceptu d'ethnos o nación qu'intentamos analizar. Esisten diferentes puntos de vista a la hora de determinar los elementos definitorios del ethnos asturianu o del conceptu de nación aplicáu al casu asturianu.


En primer llugar podría considerase como elementu principal na definición del ethnos asturianu la sola voluntá dende un criteriu subxetivu, tomando como únicu datu la conciencia d'identificación o pertenencia al ser común del restu los integrantes del colectivu de los asturianos como característica esta más impulsora y dinámica del conceptu de grupu nacional o nación. Esti conceptu de la nación como ente cuasi plebiscitariu, como una especie d'empresa colectiva o corporación que manifiesta la so pertenencia a un determináu grupu mediante una votación o refrendu cotidianu de vinculación al mesmu en términos asépticos ye lo que se conoz como la nación en sentíu societariu o programáticu: la nación sedría según esti conceptu un meru conxuntu d'individuos que manifiesten la so pertenencia al grupu simplemente en sentíu volitivu y cotidianu o que se manifiesta mediante mecanismos d'espresión individual, organizada o institucionalizada. Asina bastaría cola voluntá (non condicionada nin forzada) o deséu individual pa pertenecer o non a un determináu grupu nacional. Un individu pue manifestar lexítimamente que ye asturianu porque esa ye la so llibre voluntá o deséu. Nestos casos la pertenencia al ethnos asturianu o nación ta lexitimada pola sola voluntá del individu y pol deséu de vinculación a esi ámbitu humanu y espiritual. Siendo la voluntá l'elementu definitoriu del ethnos cualisquier individu pertenez a una nación si manifiesta o siente esi deséu de pertenencia. Según esti principiu voluntarista, sedría asturianu tou individu qu'esperimente una vocación o deséu de selo y de pertenecer o formar parte real o simbólicamente d' Asturies.


En segundu términu podría definise l’ethnos nacional asturianu como un conxuntu d'elementos obxetivos, determinables o emponderables (perceptibles) que se manifiesten como rasgos carcaterizables independientemente de la voluntá de los individuos y de los deseos o preferencies respecto a ellos. Estos elementos diversos considérense al marxe del deséu del individu de pertenecer o non al propiu ethnos o nación. Los elementos obxetivos conformadores son múltiples y diversos, abarcando munchos aspectos, rasgos, caracteres o signos (físicos, idiomáticos, hestóricos, culturales, familiares, sociales, xurídicos, sicolóxicos, volitivos, económicos, afectivos, emotivos, de comportamientu, de vezos o costumes, personalidá, carácter...) que definiríen a les persones y tamién al grupu o comunidá, caracterizando a la persona como perteneciente al ámbitu del grupu nacional ensin tener en cuenta el so deséu d'adhesión al mesmu. Estos elementos nun se puen reducir a unos pocos sinón qu'axunten una gran diversidá y multiplicidá d'enfoques. La noción clásica del ethnos acentúa más los elementos llingüísticos y culturales, como elementos obxetivos definitorios del conceptu de grupu nacional. Asina, la interpretación hegeliano-marxista de la idea de nación ye una variante d'esta concepción obxetiva de la nacionalidá entendida como una colectividá formada hestóricamente (preesistente al individu) sobre los pegoyos de la comunidá d'idioma, territoriu, vida económica, costumes y etnografía manifestao nes particularidaes de la propia cultura étnica o nacional. Nesta concepción marxista, la nación asturiana taría dientro l'espaciu qu'algamara lo que xeneralmente s'entiende como la cultura asturiana o modus essere asturiano (hestoria, llingua, tradiciones, artes y folclore asturianos). Según les teoríes obxetives seríen asturianos aquellos que por hestoria, llingua, tradición, calter, costumes o cultura participen de los elementos comunes que-y son consustanciales a la naturaleza, esencia o ser peculiar d'Asturies, y que formen parte, xunto col territoriu al que dieron vida, del ampliu conxuntu d'elementos culturales colectivos, anímicos, sicolóxicos, simbólicos, ideolóxicos y materiales específicos que conformen l’ethnos nacional d’Asturies.


En tercer llugar tenemos la definición xurídica que determina les condiciones pa la pertenencia del individu a esti ente colectivu, les circunstancies llegales que determinen la nacionalidá y la forma d'accesu a la mesma, que pueden ser por filiación, nacencia o residencia.


Vistos los diversos conceptos del ethnos o nación asturiana, hai que plantegase una custión capital: ¿Qué ye lo qu'entendemos por Asturies, cuando nos referimos a ella? ¿Cuálos son los ámbitos o llendes qu'algamen el conceptu d'ethnos o nación asturiana?¿Cuálu ye l'ámbitu d'esta nación?¿Pue esistir l'ethnos independientemente del so territoriu o ye consustancial a él?. Desllendar l'ámbitu físicu del ethnos pue ser un mecanismu que facilite l’actuación, desenrollu o articulación dientro dél o tamién pue que sirva d’instrumentu pa una mayor cohesión, identificación o afitamientu del mesmu. ¿Resulta productivo delimitar físicamente los ámbitos del ethnos cuando en dellos puntos de vista esti conceptu paez una realidá simbólica o idealizada? Los límites físicos que na mayoría los casos s'imponen sobre l'espaciu del ethnos sonlo por utilidá si bien suel ocurrir qu'estes llendes cuasi siempre son imperfectes, permeables, imprecises o inesactes, como imprecisos son los espacios periféricos del ethnos. Por ello, los límites son resultáu d'una conveniencia, convención o pautu, d'una tradición, o ámbitu delimitador qu'acuta un espaciu particular pal ethnos identificándolu llueu con un territoriu o superficie xeneradora, recortada a la manera d'una islla, cuando en realidá esti territoriu sólo ye un elementu más del ethnos. Tampoco podrá falase de pertenencia a un espaciu común si nun se sabe mínimamente cualu ye'l territoriu esactu al que l'individu pertenez. Cabe la pertenencia del individu a varios ethnos ( inmigrantes, doble nacionalidá, multiculturalidá). Na práctica, unu de los ethnos presentes prevalez col tiempu penriba l'otru. L'averamientu o alloñamientu del individu al territoriu del ethnos resulta determinante: nunos casos afítalu, pero nos más va debilitándolu. Otru datu de la importancia del espaciu ye que los sentimientos de pertenencia a una tierra son un rasgu más na caracterización individual del ethnos. Exemplu d’ello son los sentimientos de la población emigrao que suel asociar la idea del so ethnos col territoriu configurador (siguiendo'l conceptu obxetivu de nación) más que col grupu humanu (conceptu volitivu-subxetivu), y con ello desenrolla la idea del "ethnos perdíu", identificando a ésti cola tierra madre. Dende'l planu individual pue ser que l'elementu territorial nun seya importante (el sentimientu de pertenencia a un grupu-nación), pero dende'l planu global o ideal sí lo ye ( el grupu o la nación en sí). Ello convierte al ethnos o nación nuna realidá munches vegaes cuasi esclusivamente espacial , identificándolos sólo con un territoriu nacional, con un mapa.


Siendo l'espaciu físicu importante pal ethnos cabría la posibilidá d'un cambiu del territoriu paralelu a un cambiu o evolución nel ethnos. Nel casu asturianu, la vieya Asturia de los reis, dixebróse en dos entes: l'Asturia d'Uviéu y l'Asturia de Santillana, dando llugar a les dos Asturies en plural. Exemplos hai de naciones ensin territoriu. Los Ástures formaben una nación en sentíu idealizáu, una confederación defensiva y d'apoyu, ensin una idea territorialista clara sinón más bien de tipu xenéticu o tribal penriba’l territoriu. Notros pueblos la tierra nun yera el pegoyu de la organización social yá qu’entendíase como propiedá compartío y tampoco s’entendió siempre la nación en sentíu territorial como se concibe güei. Los pueblos nómades asienten la so nación nos diversos territorios per onde van. Los xudíos caltuvieron una idea enraigonada del so ethnos con una xuntura espiritual mui averao al conceptu de nación ensin territoriu. El conceptu obxetivista de la nación que prevalez dende'l XIX, requier una base territorial como un elementu más, anque destacáu, sobre'l que se modulen y fluyen el restu de rasgos identitarios. Tamién el conceptu volitivu del ethnos requier dalguna idea d'espaciu dao que los grupos humanos desenrollense sobre un sitiu, un territoriu al que se vinculen y al que se sienten d'una manera o d'otra lligaos.



viernes, 14 de octubre de 2011

Xaviel Vilareyo: "La sidra d'Asturies de Santiyana tamién ye sidra asturianu y tien derechu a la denominación d'orixe protexida".






Xaviel Vilareyo reivindica la sidra asturiana d'Asturies de Santiyana afirmando que como territoriu históricu asturianu la sidra producida nesta tierra tien lexítimamente derechu a usar la denominación d'orixe protexida o marca "sidra natural asturiana" igual que'l restu de los territorios asturianos. Por ello falamos con Xaviel Vilareyo, autor del llibru "Los ámbitos de la Nación Asturiana", sobre esti tema.


- Cuando falamos de "sidra asturiana" ¿tamos refiriéndonos a la sidra producida dientro del territoriu de la provincia d'Uviéu?


Evidentemente non. Asturies, como’ l so propiu nome indica, són dos territorios históricos que comparten una mesma cultura, llingua y tradiciones. Esos territorios són Asturies d’Uviéu y Asturies de Santiyana. La recién historia configuróles como dos territorios alministrativos estremaos pero la so milenaria historia configuróles tamién como dos territorios que formen una sola nación cultural que comparten una sola esencia, tradición y cultura propia. La Llébana ye tamién otru territoriu históricu asturianu, mencionáu yá nos documentos del Reinu d’Asturies que se configuró tamién como una entidá alministrativa propia vinculada siempre a Asturies y en conctretu dende 1779 vincúlase formalmente a Asturies de Santiyana enviando un representante a la Casa de Xuntes d’Asturies de Santiyana allugada en Bárcena de la Puente, primer orixe de lo que depués sedría la provincia de Santander. Tradicionalmente fueron surdiendo otros nomes plurales como ls Asturies de Sancto Anderio, les de Tresmiera o de Castiellu, pero toles Asturies referíense siempre como una dualidá: la d’Uviéu y la de Santiyana.

Asturies de Santiyana ye un territoriu históricu qu'ocupa la tierra comprendida ente los ríos Deva y Miera, conocida tamién como merindá y documentada dende'l sieglu XI. Comprende más de la metá occidental de l’anterior provincia de Santander, sacantes Llébana que se constituyía notra comarca. La sidra de Llébana por supuestu que tamién ye sidra asturiana. Llébana ye la más asturiana de les tierres. Hai que recordar qu'en Llébana nació Asturies.



- ¿Cuálu ye l'orixe de la sidra nestes Asturies?

L'orixe de la sidra nestes Asturies ye mui antigu. Dende la Edá Mediana tán documentaes les pumaraes nos inventarios de los conventos o nel pagu d'impuestos. En fueros como los de Santiyana o Sanander tamién se menciona a la sidra. Nel sieglu XVIII había abondes pumaraes y la producción yera básicamente de tipu particular. El puertu de Sanander esportaba sidra y a fines del XVIII surden dos fábriques de sidra que van remanecer per bona parte del sieglu XIX. Ye nel sieglu XX cuando la cultura sidrera n'Asturies de Santiyana entama decayer.





- ¿Cuála ye la situación anguañu?

La sidra n'Asturies de Santiyana vien esperimentando un constante desenrollu a partir del añu 2000 cuando entama a profesionalizase la producción gracies en parte a la creación de la Cofradía de la Sidra y cuando entamen importantes Festivales de la Sidra lo que consigue sacar la producción de los ambientes familiares pa da-y un mayor nivel profesional, cualitativa y cuantitativamente.




- ¿Cuálu ye'l futuru de la sidra n'Asturies de Santiyana?

Pues en realidá el tiempu lu dirá si esa industria medra o si torna decayer como nel pasáu, nun lu sabemos. El futuru pasa por entamar sobre bones bases, esto ye, curiando les pumaraes, la materia prima en primer llugar, llogrando apoyos públicos pa meyorar la calidá, los controles, facilitando la distribución, venta y consumu internu, afondando na profesionalización del sector. Y por supuesto el futuru pasa por incluyir la sidra d'Asturies de Santiyana y Llébana dientro de la denominación d'orixe protexida "sidra asturiana" yá que són territorios tan asturianos como los d'Asturies d'Uviéu, lo que facilitaría la exportación y poder competir con igualdá de tratu cola sidra d'Asturies d'Uviéu qu'anguañu ye la que produz en mayor cantidá y calidá. Pero pasucu a pasucu la sidra d'Asturies de Santiyana tamién va meyorando nestos aspectos y hai que dir más llueñe. El futuru pue tar aseguráu yá que tán dándose pasos perimportantes como que la sidra yá ta presente masivamente nos nomaos Festivales de Prau y otres romeríes y festivales folc y la mocedá nesti territoriu yá entama valorar y apreciar la sidra. Pero entavía hai muncha xera por f.acer.



¿Podemos dicir polo tanto qu'Asturies de Santiyana ye Asturies?


Sí, el fechu de que dependiera alministrativamente del Reinu de Castiella nun quier dicir que seya nacionalmente "Castiella" yá qu'esti reinu foi una construcción artificial con munchos cambios de fronteres y non "nacional" y "cultural" como sí foi el procesu nacional d'Asturies. "Castiella" yera sólo un centru mui concretu del norte de Burgos (Autrigonia) lo demás fueron anexiones y conquistes. Asturies ye un corónimu, esto ye, el nome históricu d’una tierra. Asturies ye’l nome d’un territoriu mui bien desllendáu y afitáu polo menos dende l’añu 910 con Fruela II. Asturies ye una de les naciones y ún de los territorios históricos más antiguos d’Europa. Reivindicar los territorios asturianos anteriores al añu 910 ye posible, claro que sí, pero en Derechu había que reivindicalos toos pa ser lexítimu. Asturies tien esactamente los mesmos derechos pa reivindicar Babia como Benavente, Viséu, Compostela, Toru, Braganza, Tui, Álaba o Cillórigu, esto ye, los territorios del Reinu d’Asturies anteriores al 910. Pero a partir d’esti añu surdieron otros reinos colos qu’incluso Asturies entró en conflictu y dende 910 surdieron otres supuestes nueves y pretendíes lexitimidaes territoriales que reduxeron posteriormente a Asturies al territoriu ente los ríos Eo y Asón y llueu Eo y Miera y a la dixebra d’agües pal norte. El corónimu Asturies quedó reducíu a esa tierra tresmontana nel 910 y depués lo que conocemos como Asturies ye eso. El nome d’Asturies y el territoriu asturianu siguió nomandose asina depués per sieglos prácticamente incamudable anque foi perdiendo terrén pel este por culpa de la so debilidá política a favor del reinu de Pamplona (Bizcaya, Álaba, Sopuerta, Valmaseda, Tresmiera) y llueu a favor de Castiella. Nel añu 910 lo que se conoz como Asturies queda desllendáu al territoriu situáu al Oeste de la Ribeira d’Uviéu, la ribeira entera del ríu Eo, incluyendo Fonsagrada, Negueira (Burón), Suarna, Piquín y Conforto, que ya pertenecen dende 802 hasta 1954 al Obispáu d’Uviéu; pel sur la llende ta na divisoria d’agües pal norte incluyendo siempre a Sayambre y Valdeón, ya hacia l’este conózse como Asturies a tol territoriu hasta la Pamplona marítima, esto ye, hasta Guipuzcua, palabra ésta que significa "frontera" por esta razón.



martes, 4 de octubre de 2011

Grupos y bandes de gaites d'Asturies de Santiyana




Los grupos y bandes de gaites asturianes d'Asturies de Santiyana caltienen les esencies del folclor nacional de Les Asturies




BANDA DE GAITAS LLAMACÍA
Para más información tfn 626 755 881 o en los correos: escuelafolklore@yahoo.es; llamacia@yahoo.es





BANDA DE GAITAS PEÑA GEDIU


BANDA DE GAITAS LA MONTAÑA

GRUPU DE FOLCLOR L’ESCAÑETU
Potes (Asturias de Llébana)
¿CÓMO CONTACTAR?
Nuestru correu es: escanetu@hotmail.com
Tamién podeis encontranos nel 654016060 / 616815176



BANDA DE GAITAS “CANTABRIA” DE SANTANDER



BANDA DE GAITAS VICARUELA


HERMANOS GÓMEZ GONZÁLEZ


AGRUPACIÓN DE DANZAS "SAN PABLO"
Felix Apellaniz,3-1ºA-D
39300 Torrelavega
942-880291

AGRUPACIÓN DE DANZAS "VIRGEN DEL CAMPO"
Casa Cultura/Ayuntamiento
39500 Cabezón de la Sal
942-702390
942-700505

AGRUPACIÓN DE DANZAS "VIRGEN DE LAS NIEVES"
Avda. Jose Antonio, 543-Tanos
39300 Torrelavega
942-896270


CORPUS CHRISTI (INFANTIL)
Gama
39790 Gama
942-642053
942-642398
 



COROS Y DANZAS DE SANTANDER
Avda. de los Castros, 71-2ºD
39006 Santander
942-314729
942-370650


GRUPO DE DANZAS NTRA. SRA. DE COVADONGA
El Cid, 5-2ºJ
39300 Torrelavega
942-344707
942-893634


GRUPO DE DANZAS ANTIGUOS COMPONENTES DE C. Y DANZA
Joaquín Bustamante, 25-1º Izda.
39011 Santander
942-271055
942-338644

GRUPO DE DANZAS C.P. "L. Y J. DEL VALLE"
Avda. L. y Josefa del Valle ,12 39720
La Cavada
942-539412

GRUPO DE DANZAS DE CICERO
Paderne, 3
39796 Cicero
942-616500

GRUPO DE DANZAS EL SABOR DE LA TIERRUCA
Barrio
la Iglesia
39313 Polanco
942-824452
942-598001




GRUPO DE DANZAS LA ROBLEDA DE PUENTE SAN MIGUEL
C/ Ontoria
39506 Cabezón de la Sal
942-702106
942-700963





GRUPO DE DANZAS LAMADRID
Llamadrid
39593 Llamadrid
942-824452
942-598001



GRUPO DE DANZAS SAN SALVADOR
Barrio Salcedo
39479 Vioño
942-571078

GRUPO DE DANZAS SANTA JULIANA
Ubiarco
39360 Ubiarco
942-894580

GRUPO DE DANZAS SANTA JUSTA
Ubiarco
39360 Ubiarco
942-840021



GRUPO LAS LANZAS
Barrio la Iglesia
39527 Ruiloba
942-720207

GRUPO DE DANZAS LA MILAGROSA
Santander
942-234322

GRUPO DE DANZAS ENTREMONTAÑAS -VIRGEN DE LA CUESTA
Los
Corrales de Buelna
942-831669



lunes, 3 de octubre de 2011

Las Asturias de Santander


Las Asturias de Santander


La ciudá de Sanander ye dende 1835 la capital d’una provincia nueva que se formó alministrativemente sobre l’anterior provincia d’Asturies de Santiyana, y formando parte d’Asturies dende los mesmos oríxenes d’Asturia como Reinu. Si bien esisten pequenes ruines d’época romana atopaes nel principal colláu que domina la badía, el Somorrostru, na antigüedá sólo foi un puertu natural como tantos otros de la cornisa atlántica ensin población. El principal orixe de la villa de Sanander como centru de población ye relixosu y data de tiempos del Reinu d’Asturies cuando Alfonsu II, dientro de la so política de repueblación interior eclesiástica, ordena la fundación nesti colláu d’una abadía sobre una hermita anterior onde taben veneraes les tiestes de los santos mártires Medé y Celedoniu, trayíes de Calagorra llueu l’avance musulmán. Alfonsu II d’Asturies dominaba tola costa atlántica del norte hasta Guipuzcua. Llueu Alfonsu III el Grande edifica un castiellu a la vera y una muria pa protexer l’abadía y el puertu de los ataques viquingos. Dende entós el governador del pequenu aniciu de población va ser l’abá de la Colexata de Sant Emeterii y Celedonii. El monasteriu de Santemeder foi asina un esllabón más nes pelegrinaciones a Santiagu que continuaben escontra la Colexata de Santiyana pa venerar la tumba de Santa Iyana. Santiyana convirtióse col tiempu nun de los monasterios más importantes d’Asturies y anque les tierres ente los ríos Eo y Miera pertenecen dende l’entamu al Obispáu d’Uviéu, Santiyana algamó un gran poder territorial propiu al que pertenecía el territoriu abacial de Santemeder. Sanchu III de Pamplona conquista nel sieglu XI tol territoriu hasta’l ríu Miera, y la badía de Santemeder, onde desemboca esti ríu, foi durante munchu tiempu la frontera ente Les Asturies, que pertenecíen al nuevu reinu de Castiella y Lleón y la Tresmiera que dexó de ser asturiana pa pasar al Reinu de Pamplona y al obispáu de Náxera. Nel sieglu XII, resurde l’espansionismu castiellanu cola creación del obispáu de Burgos que consigue quita-y al d’Uviéu tol territoriu d’Asturies de Santiyana, al que pertenez Santemeder, con gran oposición y rechazu por parte del Obispáu d’Uviéu que nun acepta la sentencia d’esgayamientu conservando’l territoriu de Cartes. Esta dixebra fai que Castiella conquiste más fastera marítima a Pamplona y que s’anexione depués Asturies de Santiyana p’asegurase unos puertos marítimos que-y dea surtida al so principal comerciu: la esportación de la llana. Cuando Castiella y Lleón se separen Asturies d’Uviéu y Llébana queden englobaes nel Reinu de Lleón mentantu Asturies de Santiyana queda dientro del de Castiella como merindá alministrativa. La pobla de Santu Medé recibe’l fueru de Sanfacún en 1187 por gracia d’Alfonsu VIII, como otres puebles eclesiástiques d’Asturies, concediendo al abá del monasteriu el señoríu o governanza de la villa y alfoz y les rentes d’otres ilesies como Miera, San Llorente, Cayón, Llerana y Toranzu. Los pechos más importantes cobrábense por entrar mercancíes nel puertu. De 1248 daten los escudos de Sanander y Avilés remembrando la conquista de Sevilla gracies a la fazaña de los asturianos rompiendo les cadenes del ríu Guadalquivir colos barcos. La esportación de la llana castiellana yera la principal función del puertu de Sanander. La marina de Castiella tenía dos almirantazgos, al del norte, con sede en Burgos, pertenecíen los navíos de Guipuzcua, Bizcaya, les Cuatro Villes, Asturies d’Uviéu y Santiyana y Galicia. Gracies a los asturianos d’Uviéu y Santiyana, Alfonsu XI llogró una victoria decisiva sobre los moros na Batalla del Salado en Tarifa y en 1349 conquistando Xibraltar. Henrique II decide convertir Santemedé na gran base naval del Atlánticu construyendo unos astilleros nel puertu. A partir d’Henrique IV el conceyu conviértese en realengu deslligándose del poder del abá. Isabel I concede a Burgos el monopoliu de los puertos del norte salvo Bilbáu, el resultáu foi que Sanander y los demás puertos asturianos perdieron la so independencia mercantil que xunto cola prohibición de comerciar con América privó al norte de tola bayura americana nuna desastrosa política que sigueron los Habsburgu, engafaos siempre en costoses guerres. Carlos I tenía previsto arribar a Castiella pel cai de Sanander pero un temporal arribólu a Tazones. La costera la sardina facíase con redes d’arrastre o traína en barques que por ello se nomen traineres. Georg Braun nel mapa de 1575 define a Sanander como “La ciudá situada nel mesmu país que Toloméu diz habitáu polos autrigones y que hoi llamen les Asturies de Santiyana”. Felipe II concede a la merindá d’Asturies de Santiyana el títulu de provincia un 2 de setiembre de 1630 lo que supón el triunfu de los conceyos que reclamaren cuantayá en pleitu contra los abusos de la nobleza feudal. Esti fechu supón que los conceyos y valles d’Asturies de Santiyana tienen derechu a facer una Xunta Xeneral pa resolver les custiones públiques. Esta Xunta va aconceyase en Bárcena de la Puente, a les afueres de Santiyana teniendo xurisdicción en tol territoriu históricu d’Asturies de Santiyana, al que pertenez la villa de Sanander. En 1660 Sanander aspira a ser sede episcopal “de peñes al mar” dixebrada de Burgos a lo que s’oponen tanto Burgos como la Colexata de Santiyana de la que dependía. Burgos yera la mayor diócesis del reinu. Por fin en 1754 Sanander algama obispáu propiu del ríu Deva al Nervión y de la divisoria d’agües hasta la mar. En 1765 Sanander y Xixón consiguen por fin el derechu a comerciar con América. En 1778 Asturies de Santiyana axúntase cola Llébana pa facer una provincia mayor. Y en 1785 créase en Sanander un Consuláu de Mar que yera tamién Tribunal de Comerciu. En 1801 Xixón y Sanander son designaes capitales de provincies marítimes con matrícules y banderes propies pa los sos barcos de colores blancu y vermeyu. En 1833 créase la nueva provincia de Santander, axuntando los territorios d’Asturies de Santiyana y Llébana col territoriu del correximientu de Laredu (Tresmiera y Vecio) amás de parte de Campoo qu’anteriormente pertenecía a la provincia de Palencia. En 1864 un grupu d’intelectuales lideraos por Gumersindo Laverde propugna la fusión de les provincies d’Uviéu y Santander nuna sola entidá superior baxo’l nome de Les Asturies.


sábado, 1 de octubre de 2011

Una conferencia sobre Les dos Asturies abre'l 4u Alcuentru Panasturianu 2011




Una interesante conferencia sobre la historia de Las dos Asturias abrió el pasado viernes el IV Encuentro Panasturiano de Las dos Asturias que se celebra este año en la villa santiyanesa de San Vicenti.
La cuarta edición del encuentro panasturiano comenzó ayer con la cultura como protagonista, a través de una interesante conferencia ofrecida en el Castillo del Rey por el historiador José Luis Casado Soto, que disertó sobre 'El puerto aforado de San Vicente de la Barquera entre las dos Asturias', en la que resaltó la gran importancia que tuvo la villa barquereña con unos de los puertos mas destacados y dinámicos a lo largo de muchos siglos. El mismo escenario también acogió una atractiva exposición coordinada por Luis Alberto Salcines en la que se dieron cita  artistas asturianos de ambos territorios de Asturias  bajo el título 'Nordeste azul'. Los artistas elegidos para esta ocasión fueron: Vanesa Amutio, Angel Izquierdo, Pedro Palazuelos, Ernesto Junco, Cecilio Testan y Covadonga Valdés.


PROGRAMA DEL 4U ALCUENTRU PANASTURIANU DE LES DOS ASTURIES:


VIENRES 30 DE SETIEMBRE


19:30 h. Conferencia “El puerto aforado de San Vicente de la Barquera entre las dos Asturias”
de José Luis Casado Soto, en el Castillo del Rey

A continuación se podrá disfrutar de una magnífica exposición de pintura




SÁBADO 1 DE OCTUBRE


11:00 h. Recepción de invitados en la Estación de Autobus y apertura del mercado panasturiano en el parque y alrededores.


11:45 h. Inicio del pasacalle popular desde la Estación de Autobuses pasando por las principales calles de la villa y finalizando en la "Carpa del Encuentru"


12:30 h. Recepción de Autoridades e inicio del Acto institucional


13:30 h Clausura del acto con la interpretación del Himno de Asturias de Santiyana y el Himno de Asturias de Oviedo con la “Coral Barquera” de San Vicente de la Barquera y la “Coral Concejo de Llanes” de Llanes.


13:45 h. Degustación de productos típicos asturianos.


14:30 h. Sorropotún popular en el Polideportivo Municipal para los participantes


17:00 h. Fútbol de veteranos en el Campo de Fútbol "El Castañar"
Real Oviedo - Racing de Santander - Real Gimnástica


20:00 h. Folclore asturianu en la "Carpa del Encuentro" con las principales voces de las Asturias: Hermanos Cossío, Tanea, Ronda Los Avellanos, Miguel Cadavieco, Esteban Verdeja, Marta Martínez, Manuel Sañudo.
Se ofrecerá una degustación de pantrucu y sidra a cargo de la Asociación Etnográfica de Ribeseya


DOMINGU 2 DE OCTUBRE


10:00 h. Regata de Traineras con los clubes de Luanco y Santander en el Puerto de La Barquera


11:00 h. Apertura del mercáu panasturianu en el parque y alrededores.

11:00 h. Pasacalles musical por las principales calles de la villa

12:00 h. Bolu palma en la bolera situada en La Plaza
Exhibición del campeón de Asturias de Santiyana, Rubén Haya, y del campeón de Asturias de Oviedo, Benito Fernández.
Partido entre un combinado de jugadores de las dos Asturias.
Participación de las Escuelas Deportivas Municipales y las peñas de aficionados de San Vicente


14:00 h. Clausura del IV Panasturianu en la Bolera de La Plaza